غرفة 222
بدون مقدمه
الام ( زينب ) يا على ......يلا نادى بابا واخواتك يا حبيبى الاكل اتحط
على / حاضر يا ماما
فينادى على ابوه واخوته وياتوا الى مائدة الطعام متفرقين فيقول الاب محدثا زينب / انا واقع من طولى لسه فاكرة ان ليكى ولاد وزوج محطوش فى بطنهم حاجة من الصبح
فتنظر اليه زينب وهى تحمل فى نفسها الكثير من العتاب لتبادله نظرة مليئة بالالم
يلتفت الاب الى على / اخبار المذاكرة ايه السنة الجاية ثانوية وانت دخلت فى مرحلة الجد مش عاوزين تقصير وانا هسال مدرسيك اشوف انت عامل ايه معاهم بتذاكر ولا مش بتذاكر
ثم شرع فى توجيه الكلام لجميع اولاده / انا وامكم مش مقصرين فى حاجة معاكم ...ابوكم ومخليكم تاخدوا دروس فى كل المواد وامكم كتر خيرها تعبانة معاكم وهى مش قادرة عشان اللى فى بطنها وانتم لو طلبتوا روحنا مش هنستخسرها فيكم بس نشوفكم احسن الناس ..... وانتى يا سعاد ابوكى مامنى عليكى وعلى مستقبلك انتى يا بنتى قاعده معانا هنا عشان تجتهدى وتتعبى كل اولادى اخواتك وانتى بنتى عاوزك ترفعى راسنا قدام اهلك وبلدك
فيقاطع اسلام الاب / ايه يا استاذ محمود احنا هنا فى البيت مش فى المدرسة انسى الدراسة والتدريس شوية ولا هتبقى مدرس عليهم هناك وعلينا هنا كمان
الام/ يلا يا ولاد على مذاكرتكم كلكم وتعالى يا على عوزاك
على/ ايوة يا ماما
الام/ انا شيفاك زعلان عشان بابا خايف عليك وعلى مصلحتك ومش هتلاقى حد يخاف عليك اكتر منه ولا يهمه مصلحتك قده
على / مش زعلان ولا حاجة يا امى
الام/ لا يا حبيبى لو كدبت على كل الناس مش هتعرف تكدب عليا انا ... ده انا امك قلى ايه اللى مزعلك
على/ يا امى انتى مش شايفه بابا بيقول هسال اساتذتك عليك وكانى طفل
الام/ طب وفيها ايه ده شئ يشرفك قدام كل زمايلك مش يصغرك وبعدين
انت ماشاء الله الكل بيحسك وبغير منك لشطارتك وذكاءك ...المهم انك تتجدعن السنتين دول انت اخترت تخش علمى رياضة عشان حابب تبقى مهندس وان شاء الله يا حبيبى اشوفك مهندس قد الدنيا وافتخر بيك قدام الناس كلها
على/ ان شاء الله يا امى.. بس انتى مالك يا امى شايفك تعبانة جدا
الام/ اخوك ولا اختك على وشك انه يشرف للدنيا فلازم يتعبنا معاه شكله هيطلع متعب قلى يا على انت نفسك يبقى ولد ولا بنت ؟
على اللى يجيبه ربنا حلو يا امى بس انا نفسى تتطلع بنت عشان يبقى ليا اخت بنت بدل حنينة علينا وتساعدك انتى كمان وتشيل عنك تعبك شوية انتى ياما شلتى يا امى
الام/ طيب يلا انت على مذاكرتك على ما عملكم الشاى وانزل اشوف جدتك اخبارها ايه لانى عرفت انها تعبانة النهاردة
على/ ده ايه الرقة والحنان اللى نزل عليكى فجاة ده ..اللى اعرفه ومتاكد منه ان مفيش بينك وبينها عمار سبحان الله
الام/ ايه يا ولد ده اتفضل على مذاكرتك ومتدخلش فى اللى ملكش فيه وركز فى حاجة تنفعك احسن .....بدل ما اقول لابوك على اللى بتعمله انت واخواتك وولاد عمك لما بتهربوا من المدرسة ولو متعدلتش يا على انا اللى هعدلك وانت فاهم المرة دى انا عدتها المرة الجاية ابوك اللى هيتصرف
على/ لا لا وعلى ايه انا ماشى ... كل ده عشان قلت مفيش عمار بينك وبين جدتى خلاص انا اسف يا زوزو وبلاش حكاية الحج دى الله يخليكى
وبعد اسبوعين
يتبع
*
*
*
*
بدون مقدمه
الام ( زينب ) يا على ......يلا نادى بابا واخواتك يا حبيبى الاكل اتحط
على / حاضر يا ماما
فينادى على ابوه واخوته وياتوا الى مائدة الطعام متفرقين فيقول الاب محدثا زينب / انا واقع من طولى لسه فاكرة ان ليكى ولاد وزوج محطوش فى بطنهم حاجة من الصبح
فتنظر اليه زينب وهى تحمل فى نفسها الكثير من العتاب لتبادله نظرة مليئة بالالم
يلتفت الاب الى على / اخبار المذاكرة ايه السنة الجاية ثانوية وانت دخلت فى مرحلة الجد مش عاوزين تقصير وانا هسال مدرسيك اشوف انت عامل ايه معاهم بتذاكر ولا مش بتذاكر
ثم شرع فى توجيه الكلام لجميع اولاده / انا وامكم مش مقصرين فى حاجة معاكم ...ابوكم ومخليكم تاخدوا دروس فى كل المواد وامكم كتر خيرها تعبانة معاكم وهى مش قادرة عشان اللى فى بطنها وانتم لو طلبتوا روحنا مش هنستخسرها فيكم بس نشوفكم احسن الناس ..... وانتى يا سعاد ابوكى مامنى عليكى وعلى مستقبلك انتى يا بنتى قاعده معانا هنا عشان تجتهدى وتتعبى كل اولادى اخواتك وانتى بنتى عاوزك ترفعى راسنا قدام اهلك وبلدك
فيقاطع اسلام الاب / ايه يا استاذ محمود احنا هنا فى البيت مش فى المدرسة انسى الدراسة والتدريس شوية ولا هتبقى مدرس عليهم هناك وعلينا هنا كمان
الام/ يلا يا ولاد على مذاكرتكم كلكم وتعالى يا على عوزاك
على/ ايوة يا ماما
الام/ انا شيفاك زعلان عشان بابا خايف عليك وعلى مصلحتك ومش هتلاقى حد يخاف عليك اكتر منه ولا يهمه مصلحتك قده
على / مش زعلان ولا حاجة يا امى
الام/ لا يا حبيبى لو كدبت على كل الناس مش هتعرف تكدب عليا انا ... ده انا امك قلى ايه اللى مزعلك
على/ يا امى انتى مش شايفه بابا بيقول هسال اساتذتك عليك وكانى طفل
الام/ طب وفيها ايه ده شئ يشرفك قدام كل زمايلك مش يصغرك وبعدين
انت ماشاء الله الكل بيحسك وبغير منك لشطارتك وذكاءك ...المهم انك تتجدعن السنتين دول انت اخترت تخش علمى رياضة عشان حابب تبقى مهندس وان شاء الله يا حبيبى اشوفك مهندس قد الدنيا وافتخر بيك قدام الناس كلها
على/ ان شاء الله يا امى.. بس انتى مالك يا امى شايفك تعبانة جدا
الام/ اخوك ولا اختك على وشك انه يشرف للدنيا فلازم يتعبنا معاه شكله هيطلع متعب قلى يا على انت نفسك يبقى ولد ولا بنت ؟
على اللى يجيبه ربنا حلو يا امى بس انا نفسى تتطلع بنت عشان يبقى ليا اخت بنت بدل حنينة علينا وتساعدك انتى كمان وتشيل عنك تعبك شوية انتى ياما شلتى يا امى
الام/ طيب يلا انت على مذاكرتك على ما عملكم الشاى وانزل اشوف جدتك اخبارها ايه لانى عرفت انها تعبانة النهاردة
على/ ده ايه الرقة والحنان اللى نزل عليكى فجاة ده ..اللى اعرفه ومتاكد منه ان مفيش بينك وبينها عمار سبحان الله
الام/ ايه يا ولد ده اتفضل على مذاكرتك ومتدخلش فى اللى ملكش فيه وركز فى حاجة تنفعك احسن .....بدل ما اقول لابوك على اللى بتعمله انت واخواتك وولاد عمك لما بتهربوا من المدرسة ولو متعدلتش يا على انا اللى هعدلك وانت فاهم المرة دى انا عدتها المرة الجاية ابوك اللى هيتصرف
على/ لا لا وعلى ايه انا ماشى ... كل ده عشان قلت مفيش عمار بينك وبين جدتى خلاص انا اسف يا زوزو وبلاش حكاية الحج دى الله يخليكى
وبعد اسبوعين
يتبع
*
*
*
*