مش انت اللي مصري ..
القصيدة
دي جميلة دي أنا ناقلها مش بتاعتي يا جماعة ويتحمل الكاتب المسئولية
الكاملة عنها .. وأنا مليش دعوة بأي حاجة ومعرفش حاجة خالص .. أنا مش
معاهم ..
بس
قصيدة جامدة .. وأنا أعلن من هذا المنبر أني غير مسئول عنها .. بس هي
عجبتني فحبيت أنزلها عندي عشان الناس تشوفها .. وهي للشاعر أحمد فؤاد نجم
.. واسمها ( عشان انت مصري ) ..
(أحمد فؤاد نجم)
الحُكــم بعـــد القـــراءة
عشــان انــت مصـــرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
وأوعى تصدق كلام الأغانى
بتاع الحضاره وكانى ومانى
ده كله هجايص مايدخل ودانى
* * *
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مفيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
* * *
ورايح لشغلك حتحتاج مواصله
أدى المترو واقف وكهربته فاصله
وفى الميكروباص خناقه وحاصله
أوتوبيس فرامله عايزالها وصله
وتوك توك ده تايه ومحتاج لبوصله
* * *
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
* * *
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
* * *
عشان انت مصرى وده للأسف
فلازم تآسى تعيش تتقرف
وكل الأساسى فى حياتك ترف
فتنسى الكرامه وتنسى الشرف
وتسرق وتنصب أو تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
وصرح مصدر مسئول فى مدونة ( استراحة فنكوش ) أن السيد فنكوش غير مسئول عن هذه القصيدة وأنه قد نقلها من عند ( المفتكس ) ..
وأفاد شهود عيان أنهم قد اطلعوا على مدونة افتكاسة ورأوا آثار الجريمة هناك ..
ودلت
التحريات عن أن المفتكس يتحمل المسئولية الكاملة عن هذه القصيدة لأنه هو
أول من نشرها .. ولا يتحمل السيد فنكوش أي مسئولية .. وانه خالي الطرف ..
ويهيب السيد فنكوش بالسادة القراء إنهم يكونوا محضر خير واللى يقرأ القصيدة يخليها فى سرّه وبلاش تشريد وتسييح .. وخليكوا جدعان ..
منقول
القصيدة
دي جميلة دي أنا ناقلها مش بتاعتي يا جماعة ويتحمل الكاتب المسئولية
الكاملة عنها .. وأنا مليش دعوة بأي حاجة ومعرفش حاجة خالص .. أنا مش
معاهم ..
بس
قصيدة جامدة .. وأنا أعلن من هذا المنبر أني غير مسئول عنها .. بس هي
عجبتني فحبيت أنزلها عندي عشان الناس تشوفها .. وهي للشاعر أحمد فؤاد نجم
.. واسمها ( عشان انت مصري ) ..
(أحمد فؤاد نجم)
الحُكــم بعـــد القـــراءة
عشــان انــت مصـــرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
وأوعى تصدق كلام الأغانى
بتاع الحضاره وكانى ومانى
ده كله هجايص مايدخل ودانى
* * *
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مفيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
* * *
ورايح لشغلك حتحتاج مواصله
أدى المترو واقف وكهربته فاصله
وفى الميكروباص خناقه وحاصله
أوتوبيس فرامله عايزالها وصله
وتوك توك ده تايه ومحتاج لبوصله
* * *
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
* * *
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
* * *
عشان انت مصرى وده للأسف
فلازم تآسى تعيش تتقرف
وكل الأساسى فى حياتك ترف
فتنسى الكرامه وتنسى الشرف
وتسرق وتنصب أو تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
وصرح مصدر مسئول فى مدونة ( استراحة فنكوش ) أن السيد فنكوش غير مسئول عن هذه القصيدة وأنه قد نقلها من عند ( المفتكس ) ..
وأفاد شهود عيان أنهم قد اطلعوا على مدونة افتكاسة ورأوا آثار الجريمة هناك ..
ودلت
التحريات عن أن المفتكس يتحمل المسئولية الكاملة عن هذه القصيدة لأنه هو
أول من نشرها .. ولا يتحمل السيد فنكوش أي مسئولية .. وانه خالي الطرف ..
ويهيب السيد فنكوش بالسادة القراء إنهم يكونوا محضر خير واللى يقرأ القصيدة يخليها فى سرّه وبلاش تشريد وتسييح .. وخليكوا جدعان ..
منقول