صباح الخير
صباح النور
جمله بنقولها مع كل نور
لكل حبيب فى القلب موجود
صباح الخير يا احلى ورود
صباح الخير من كل قلبى على كل حبايبى
عيلتى حبيبتى صباح الخير
شارعنا حبيبى صباح الخير
بلدنا حبيبتى صباح الخير
صباح الخير على كل مصرى بيحبك يا بلدى
يا بلدى يا امى يا عيلتى يا كل شىء فى حياتى
بعيد عنك بحس بغربه
بعيد عنك بكون تايه بكون مكسور
فى قربك بكون شامخ بكون جبل ما تهده دهور
يا بلدى يا بسمتى وفرحى
يا كلمه فى الفؤاد تشفى
يا اجمل ام فى الدنيا
من صغرى وانا شايفه
عليكى يا بلدى بيتقاتلوا
وليه لا وانتى المحروسه
يا مذكوره من الجبار
بامنك ما فى زيك
بشعبك ما فى زيك
بكل شبر فيكى يا بلدى بلاقى حبك مالى القلوب
يا مصريا حبيبتى يا بلدى
تعيشى دايما وتكونى سخيه
على القريب وعلى البعيد
رغم العدا يا بلدى
انتى دايما رافعه راسك
بحبك يا بلدى
بحبك يا مصر