السلام عليكــم ورحمـة الله وبركاتــة ،،
.
.
هذا الشعر هو حوار بين كلية الصيدلة وأحد طلابها:
الطّالب:
يا صيدلة قوليلي....
وترى خبّري عن حالك واحكيلي
احترت فيك والله حار دليلي!!
ما شفت حد خشّلك فرحان..
كان مش رافع مادة تكميلي..
بنقولك واني خاطري مليان..
نبي نفرغ وانتي عليّا شيلي..
الكلية:
قول وخبّر......
وكل اللّي في قلبك عليّا عبّر
أنا عرفتك من الهم متكدّر...
ما يهمّك شعوري لو كان بتشكيلي
لكن سؤالك جي عليّا متأخر
المفروض قبل بنيتي وتأهيلي
وقبل ما الحسن بن الهيثم يقرّر
يدّرس خواص العلم التحليلي
و من قبل ما مندليف دار وسطّر
جدول دوري بالأعمدة تبديلي
ومن قبل ما برونستد يطوّر
نظرية الحمض والقاعدة وبشكل تمثيلي
الطّالب:
عارف روحي جايك وتسطّر عليّا جروحي
لكن قلت بالكش نلقى قداك
دوا لعلتي اللّي زايدة في نوحي
فدّيت وانا قعدت في سباك
نعاود....نكرط...في سبيل طموحي
وقعدت لاهي هني... ولاهي اهناك
بويا يعارك وامي اللّي تدعيلي..
الكلية:
الله غالب حالك زيّ حال أي طالب
اقرا ودير مجهود وربّك كاتب
نصيبك مقدّر قبل ما تدويلي
الطّالب:
شاكر ربّي وحامد عطاه من وسط خاطر قلبي
لكن مشكلتي بنعرف ونبّي
جواب واضح لو بتشرحيلي
ليش:...نسهر؛..نقرا ؛ننحنى وانكبّي
ونشقى ونتعب وينهد كلّه حيلي
ويمشي على الفاضي كلّه تعبي
ونلقى اللّي مقراش طالع قبلي
ويطلع مصفّي المادة يا حليلي؟؟؟
الكلية:
من الاخير ومن غير وجعة راس وتفكير
لو كان عندك حظ خيره يصير
تنجح بمعدل وتقدير
ياعزيزي الطالب...روّح خير
شقّيت روحك..وما لقيتلك تفسير
اصبر تحمّل شن بدّير؟؟
هادي اني من قالك اتجيلي؟؟
الطالب:
ليلة غبرة من يوم خشيتلك خانقتني العبرة
قلبي تلّوع؛ فدّ كمل صبره
دموعي تمّوا نبكي نهاري وليلي
وشفته حنش مبروم هكي كبره
مطلّع لسانه وبالنظر يمولي
شن جابني للسم شن جابني لقبره
رضيت بالهم والهم مش راضيلي
الكلية:
مانك شفته؟! ليش تسأل والجواب عرفته
حطّيت اسمي بالتعني تحته
شعاره موثق وين ماتمشيلي
خيارك اخترته تحمل هلي اخترته
وصكّر عالموضوع خلاص انهيلي..
.
.
هذا الشعر هو حوار بين كلية الصيدلة وأحد طلابها:
الطّالب:
يا صيدلة قوليلي....
وترى خبّري عن حالك واحكيلي
احترت فيك والله حار دليلي!!
ما شفت حد خشّلك فرحان..
كان مش رافع مادة تكميلي..
بنقولك واني خاطري مليان..
نبي نفرغ وانتي عليّا شيلي..
الكلية:
قول وخبّر......
وكل اللّي في قلبك عليّا عبّر
أنا عرفتك من الهم متكدّر...
ما يهمّك شعوري لو كان بتشكيلي
لكن سؤالك جي عليّا متأخر
المفروض قبل بنيتي وتأهيلي
وقبل ما الحسن بن الهيثم يقرّر
يدّرس خواص العلم التحليلي
و من قبل ما مندليف دار وسطّر
جدول دوري بالأعمدة تبديلي
ومن قبل ما برونستد يطوّر
نظرية الحمض والقاعدة وبشكل تمثيلي
الطّالب:
عارف روحي جايك وتسطّر عليّا جروحي
لكن قلت بالكش نلقى قداك
دوا لعلتي اللّي زايدة في نوحي
فدّيت وانا قعدت في سباك
نعاود....نكرط...في سبيل طموحي
وقعدت لاهي هني... ولاهي اهناك
بويا يعارك وامي اللّي تدعيلي..
الكلية:
الله غالب حالك زيّ حال أي طالب
اقرا ودير مجهود وربّك كاتب
نصيبك مقدّر قبل ما تدويلي
الطّالب:
شاكر ربّي وحامد عطاه من وسط خاطر قلبي
لكن مشكلتي بنعرف ونبّي
جواب واضح لو بتشرحيلي
ليش:...نسهر؛..نقرا ؛ننحنى وانكبّي
ونشقى ونتعب وينهد كلّه حيلي
ويمشي على الفاضي كلّه تعبي
ونلقى اللّي مقراش طالع قبلي
ويطلع مصفّي المادة يا حليلي؟؟؟
الكلية:
من الاخير ومن غير وجعة راس وتفكير
لو كان عندك حظ خيره يصير
تنجح بمعدل وتقدير
ياعزيزي الطالب...روّح خير
شقّيت روحك..وما لقيتلك تفسير
اصبر تحمّل شن بدّير؟؟
هادي اني من قالك اتجيلي؟؟
الطالب:
ليلة غبرة من يوم خشيتلك خانقتني العبرة
قلبي تلّوع؛ فدّ كمل صبره
دموعي تمّوا نبكي نهاري وليلي
وشفته حنش مبروم هكي كبره
مطلّع لسانه وبالنظر يمولي
شن جابني للسم شن جابني لقبره
رضيت بالهم والهم مش راضيلي
الكلية:
مانك شفته؟! ليش تسأل والجواب عرفته
حطّيت اسمي بالتعني تحته
شعاره موثق وين ماتمشيلي
خيارك اخترته تحمل هلي اخترته
وصكّر عالموضوع خلاص انهيلي..