حمدين صباحى فى مصر تنتخب الرئيس CBC

استعرض الموضوع السابق استعرض الموضوع التالي اذهب الى الأسفل

حمدين صباحى فى مصر تنتخب الرئيس CBC

مُساهمة من طرف دكتور احمد عبدربه في الثلاثاء 8 مايو - 2:18

حمدين صباحى فى مصر تنتخب الرئيس CBC
حمدين صباحى فى مصر تنتخب الرئيس CBC
حمدين صباحى فى مصر تنتخب الرئيس CBC

حمدين صباحى فى برنامج مصر تنتخب على قناة CBC الان :

• هنعمل
قفزة فى رعاية مقدم الخدمة الطبية من اطباء وممرضبن وادارين فلااضمن تقديم
خدمة الا اللى بيقدموا الخدمة يكونوا عايشين عيشة كويسة

• لابد من رفع العائد المادى للاطباء هيمر بتقدير اماكن تكليف الاطباء مش حد من كفر الشيخ يروح الصعيد
• الحكومة مسئولة ان تقدم شراكة مؤكدة بين الجامعات ومراكز البحث التى ترتقى بتهيئة الطبيب من حيث التربية المهنية او الضمان المادى
• معهد الكلى فى المنصورة تجربة رائعة لدكنور محمد غنيم كان احد مفاتيحها ان تقدم للطبيب عائد عالى يكفيه
• انا ماتعالجتش على نفقة الدولة احنا عندنا صندوق بندفع فيه اشتراكات كنواب لمجلس الشعب
• يجب فتح المستشفيات العسكرية والشرطية بنفس الاسعار للمواطنين العاديين
• ليه العسكريين والشرطة يكونوا متميزين وسط شعب غير متميز لازم كلنا نكون متميزين
• اتعاهد على العلاج فى المستشفيات المصرية العامة اذا اصبحت رئيس للجمهورية
• عمر ماكان زيادة النسل هى الازمة الكبرى فى بلد جادة فى التنمية مثال الصين


حمدين صباحى فى مصر تنتخب الرئيس CBC
حمدين صباحى فى برنامج مصر تنتخب على قناة CBC الان :

• انا مش
ضد حق المصريين فى الاختيار انا بقول ان اللى يليق بشعبنا اننا نسلم كل
السلطات التشريعية والتنفيذية لطرف واحد عاوزين مشاركة

• البرلمان دلوقتى اكثريته اخوان وقلت انهم اكبر اقلية وانهم لن يتخطوا حاجز ال50% - البرلمان فى جيب الاخوان والسلفين مع بعض
• انا واضح فى ان اسرائيل بلد عدوانى وعمرى ماكنت مع كامب ديفيد وده مش معناه انى هخوض حرب مع اسرائيل لانى بقدم برنامج لنهضة البلد
• لن أسعى لحرب مع اسرائيل فانا حربى ضد الفقر
• كامب ديفيد نص سأبقيه ولكن سنزهق روح كامب ديفيد وهى التزلل لامريكا او اسرائيل
• انا المرشح الوحيد الذى قال جهرا ان سأقطع الغاز فورا عن اسرائيل ولكن مش لأسباب تجارية بل لأسباب اخلاقية ووطنية ودينية
• الجيش المصرى محل احترام وتقدير ومحبة وسأددعم الجيش باعتبارى مواطن وقائد اعلى للقوات المسلحة لو جيت كرئيس



حمدين صباحى فى مصر تنتخب الرئيس CBC
حمدين صباحى فى برنامج مصر تنتخب على قناة CBC الان :

• الجيش المصرى لن يكون له الا دور وهو حماية ارض مصر ومواجهة اعداء الخارج دون التدخل فى السياسة

• المجلس العسكرى اخطأ فى انه اطال علينا الفترة الانتقاليية
• الخطأ التانى للمجلس العسكرى ان فى شهداء وكرانات اهينت فى التظاهرات السلمية لذلك سيكون خروجهم عادل وليس امن
• انا بتكلم عن شهداء سقطوا وفيها مسئولية سياسية للمجلس العسكرى عن كل شهيد والقضاء العادل هو اللى هيحكم ده حصل بأوامر من مين
• مافيش دم شهيد هيروح هدر وهطلب تعديل لقضاء القانون العسكرى
• رئيس مصر اول 3 مسئوليات له استقلال مصر - مياة النيل - الوحدة الوطنية
• انا اضمن مساواة تامة للمسيحين مع المسلمين ومش هسمح بتمييز فى البلد ولن يميز اى مسئول فى الدولة بين مسلم ومسيحى
• مافيش مستقبل للفتنة الطائفية فى مصر بعد 25 يناير
• مافيش حاجه هتتاخد بالعافية فى البلد
• ساعيد الامن فورا فى مصر لانه اراده لو الرئيس عاوز الامن يستتب هيستتب
• سألزم الشرطة بشعارها انها فى خدمة الشعب
• سأبقى وادعم كل دعم للفقراء وسألغى كل دعم للاغنياء فهو هيوفر 70 مليار وده هيمول الاجور والتعليم والصحة
• من حق الشعب المصرى ان الرؤساء يكونوا فى مناظرات علنية امام الشعب المصرى وبطلب المناظرة
• بقول للى خافوا يواجهونى الاولى بهم مواجهة علنية محترمة طالما رشحوا نفسهم للانتخابات



دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 28188
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

رد: حمدين صباحى فى مصر تنتخب الرئيس CBC

مُساهمة من طرف دكتور احمد عبدربه في الثلاثاء 8 مايو - 23:51

• حمدين صباحى فى برنامج مصر تنتخب على قناة CBC الان :


- اذا جئت رئيسا لا يحق لى ان انفرد ادارة البلاد وحدى منفردا لذلك لازم اشكل فريق رئاسى

- انا مع اختيار شيخ الازهر والمفتى بالانتخاب

- دور الازهر يتأكد باستقلال وانتخاب شيخه وعلمائه وضم دار الافتاء والاوقاف يترأسها شيخ الازهر

- الدين الاسلامى يحتضن فى ظل مبادئه كل المصريين المسلمين والاقباط

- سأستعين بكل مصرى مخلص غير ملوث انه اكل مال الشعب او اهان كرامته

- قيادات الحزب الوطنى لابد ان تحاسب لكن جماهيره لأ


- سأعمل على جرعة عدل اجتماعي مكثف - رفع الحد الادنى و هرفع المعاشات
وهدى اعانة بطالة وهضاعف 3 -مرات كل مايعطيه الضمان الاجتماعى للمعوزين


- سأحافظ على دعم الفقراء واتجه الى الغاء دعم الاغنياء ،دلوقتى نصيب الاغنياء 70 مليار ونصيب الفقراء 25 مليار

- ساضم للموازنة العامة الدولة كل الصناديق الخاصة اللى فيها الان مليارات فى المتوسط 100 مليار

- سيوجد تنوع فى الضرائب سنفرض ضريبة نصف فى المية على التعاملات فى البورصة - ضريبة واحدة للمصرين اللى ثروتهم فوق 50 مليون جنيه

- انهاء دعم الاغنياء قابل للتطبيق من اول يوم

- لما افرض ضريبة تصاعدية على مستثمر مصرى لكن مش هيدفعها قتاوة زى زمان بل كمصرى باحترامه من فوق الترابيزة

- قصور الرئاسة اكبر من حاجة الرئيس للاستخدام يوجد 8 قصور رئاسية مش فاهم بيعملوا ايه؟؟

- الاستراحة الرئاسية فى القناطر قافلة كل الحدائق اللى حولها ومبارك تقريبا مستخدمهاش غير مرة

- الاستراحة الرئاسية سيعاد توظيفها هى وباقى القصور كمزارات سياحية وبالتالى هتكون مورد بدل ما انفق عليه

- احنا هنجمع اللى حصلناه من القصور وايراده سيروح لصندوق اعانة اسر الشهداء والجرحى ولدعم المرأة المعيلة واطفال الشوارع

- من اولى القرارت انه لن تعلق صورة حمدين صباحي فى أى مؤسسة حكومية بل علم مصر

- مبانى الدولة المصرية من قصر الرئاسة لمركز المدينة مش هيتعلق فيه صورة للرئيس

- سأحترم ارادة الشعب وسأقدم استقالتى اذا اندلعت مليونيات ضدى ولن أقبل ان ابقى فى الحكم






• حمدين صباحى فى برنامج مصر تنتخب على قناة CBC الان :


- احنا اتربينا على تعبير التربية والتعليم مش التعليم فقط

- مصر فى القرن الماضى والقادم ستبقى كبلد هو فجر الضمير ومهد الحضارة فى حاجه ماسة لتوحيد مواطنيها بتوحيد نظم التعليم فى مصر

- مجلس قومى للتعليم يكون على راس اولوياته يضع اسس واحدة للمناهج فى كل المراحل يبنى الوحدة وانا ضد التمييز بتعدد المناهج

- ناس كتير فى المصانع مستعدين ان يساووا فى الانفاق ف التجهيز او غيره مقابل ان يضمن عامل فنى كفء مصرى مش مستورد

- تشكيل المجلس القومى للتعليم بهم ممثلى للمجتمع المدنى وبكده سنضمن عدم تزييف التاريخ فى المناهج

- فى عهدى احترام تام من كل التلاميذ واولياء امورهم للمعلم اللى هنستعيد قيمته

- هيئة الجودة سنحتاج اعادة نظر فيها عشان التعليم المصرى لازم نتأكد من جودته ومجانيته

- فى فئتين عاوزهم رقم واحد فى مصر القاضى والمعلم اللى هم أساس بناء دولة ديمقراطية حديثة

- كل معونة اجنبية لمصر ستقبل مالم تكن مشروطة المعونة المشروطة عمرى ماهقبلها

- لن أغير مناهج التعليم المصرية بأى رشوة

- لا اوافق على مجانية التعليم للطالب الفاشل

- انا مع ان يدرس طلاب الهندسة والطب فى الازهر مواد فقهية تتعلق بتخصصهم

- اللى عاوز يعمل جامعة او مدرسة يعمل لكن هيدرس فيها ايه ده مش اختياره

- لن اميز بين مؤسسة وغيرها فى البلد

- الدين الاسلامى والمسيحى هيدرسوا وهشوف ايه الطريقة ان مفصلش بين الطلاب اثناء التدريس مش يكون بمعزل عن الاخر

- التعليم فى مصر اول مايحتاجه هى اعادة نظر فى المعلم من مواصفاته كفائته دخله ويرتفع جدا دخله

- اللى بوظ التعليم ان اللى بدأه جمال عبد الناصر ان يوفر تعليم مجانى تحول لسلعة للبيع والشراء ولا فى اهتمام بمدرسة ولا طلابها

- ما أريده لابد ان يصل التعليم وينتقل لتعليم ابداعى مش معتمد على الحفظ والصم



• حمدين صباحى فى برنامج مصر تنتخب على قناة CBC الان :


- الجمهورية الاولى هى جمهورية 23 يوليو الجمهورية التانية اللى اسسها السادات الجمهورية التالتة هى جمهورية العدالة الاجتماعية

- جمهورية الحرية والعدالى الاجتماعية والكرامة الانسانية فهى جمهورية ديمقراطية التى اسعى اليها

- دى جمهورية 25 يناير لابد ان تقيم نظام ديمقراطى لكل المصريين والمصريات دون تمييز

- ساختار اهم مشروع وهو ادخال الطاقة الشمسية فهى ميزة تنافسية كبيرة تقدر تتفوق بيها

- الاتحاد الاوروبى اللى انا حريص على علاقات متكافئة ووثيقه بيه انه ياخد 25% من الطاقة النظيفة اللى هتنتجها مصر وبالتالى ده مورد

- سأعرب عن تبنى رئيس الجمهورية انه سينتج طاقة كهربائية من الشمس وشراكة مع الاتحاد الاوروبى وسأمول المشروع من مؤسسات تمويل دولية

- مفاعل كبير لتوليد الكهرباء كل كلفته ستكون خلال 4 سنوات ونصف لدينا فرصة هائلة لان تكون مصر رائدة فى الطاقة الشمسيية

- سننتج السليكون وهى بتشكل معظم الرقائق اللى داخله لكل المواد التكنولوجيا وبالتالى خير لمصر يزيد عن البترول اداه للدول العربية

- هعمل وزارة لسيناء وبمجرد انتهاء دورها فى تنمية سيناء ساحل هذه الوزارة

- انا حاطط صناعة الغزل والنسيج والسنيما اللى عملهم نجيب وبينهم 5 صناعات اللى عملهم عبد الناصر

- لابد ان ندرك القيمة الحقيقية للحضارة العربية الاسلامية

- لابد ان نستعد قيمة المساواة التامة بين مسلمى ومسيحي مصر وكما قال الرسول لنا مالهم وعلينا ما عليهم

- سأدافع عن حق المجتمع المدنى فى تشكيل جمعياته بدون قهر ادارى

- ملكية الاعلام للمجتمع وليس للدولة

- سنضع شروط لا تمكن اشخاص الهيمنة او تتحكم فى الاعلام

- ارفض المساس بحصانة النائب العام فهو جزء من حصانة القضاء فى مصر

- الاولى بهذا البلد ان يختار نفس الاتجاه اللى اختارته فرنسا

- انا فى كل الاحوال سأحترم التصويت ولو كان مش من الثورة سأدافع عن الثورة بما استطعت

- الاحزاب اللى شكلت على اساس دينى خالفت الدستور المصرى

- الدين مش ملك حزب هو ملك لكل المسلمين بالتساوى بدون تمييز

- لاتوجد فى التاريخ شياطين ملهومش مزايا او ملائكة بدون عيوب مترو انفاق مبارك كان كويس

- انا مع تعيين نائب رئيس قبطى وامرأة وشاب وال3 هيكونوا فى المجلس الرئاسى مع عدد اخر من الشخصيات

- مصر من اى حق قبطى فيها ان يترشح والشعب هو اللى هيصوت ولا مصادره على رأى الشعب

- لابد أن ننقى قوانينا انا ضد معاقبة المبدع

- الرأى لايعاقب عليه بالزنازين وده مش بيغير اراء .. الاولى ان ندعو لحوار عاقل يلغى عقوبات الحبس فى الصحافة والابداع

- كل التليفونات اللى هتجيلى هعين فريق يرد عليها ويوصلى المهم وهكون سعيد جدا لو رديت على مكالمة اى انسان فى مصر

- انا كنت واحد من الحزب ولم أكن رئيسه وقت تحالف الحزب الكرامة مع الاخوان


• حمدين صباحى فى برنامج مصر تنتخب على قناة CBC الان :


- نقابات مستقلة اكثر تحديدا لمطالبها ودفاعا عن مصالحها وسأتعاون مع كل النقابات المستقلة فى مصر

- انا ضد اعادة بناء كل هذه الاصول العمرانية ، الطبقة الوسطى لها الكثير من المظالم ومش هضيع حقوقهم

- انا فى صف نوع من انواع المصالحة مع اخطاء ارتكبت فى ظل دولة رخوة


- انا هدفعه غرامة مقابل مخلفته للبناء بدون رخصة وادخل هذه المنطقة الحيز
وارفقها وهو ده الحل مش هضحى بمكان فى مقابل ما سأحصله من مخالفات


- لابد من اعطاء تراخيص بناء لادوار اعلى فى الريف المصرى فى متوسط 5-7 ادوار

- لازم امكن الفقراء مشروعى ان ارفع الاعانات الى 7.5 وسأعطى بدل لافقر الاسر المصرية وسأرفع المعاشات وسأخفض الحد الاقصى للاجور

- انا اعنى مسئولية الدولة عن وصول الحقوق ال7 لكل مواطن دون تمييز

- كلما كبرت الطبقة الوسطى اطمئن انها تسير فى طريقة نهضة وتطور

- لابد من وجود طبقة وسطى فى الوطن لانها تنتج سلعا وقيما

- العشوائيات بدأت فى عهد عبد الناصر وستنتهى فى عهدى ان شاء الله

- انا احب عبد الناصر هو بطل قومى اصاب وأخطأ ولكنه كان نبيل ومخلص وقلبه على البلد فى انتصاره وانكساره

- الجمهورية الاولى ودع المصريون مؤسسها باكبر جنازة فى التاريخ والجمهورية التانية ودعوا رئيسها بأعظم ثورة فى التاريخ

- فى مشاكل فى مصر لازم كلها تتحل مثل العشوائيات وامان الطرق من حوادث اللى بتأثر على السياحة

- لابد من تحسين رؤية النقل فى مصر وهنستخدم نهر النيل فى النقل للبضائع اللى بتتنقل على الطرق وتعمل حوادث

- العشوائيات طالع منها ناس منتهى الرجولة والجدعنة كان معانا فى التحرير شركاء حقيقيين منهم هم بس ظلموا واحنا عاوزين ننصفهم


- متحدى الاعاقة سننشئ لهم وزارة خاصة لرعايتهم تعيد ترتيب الحياة لهم بدء
من الرصيف انتهاء بالمبانى والتعيين ووزيرها هيكون من متحدى الاعاقة


- انا قدمت لكفر الشيخ مالم يقدمه اى نائب لاى محافظة وانا نائب

- دعمى للمتظاهرين فى كفر الشيخ وهم بيطلبوا كوب ماء نظيف وحلينا مشكلة الرى فى كفر الشيخ


دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 28188
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

رد: حمدين صباحى فى مصر تنتخب الرئيس CBC

مُساهمة من طرف دكتور احمد عبدربه في الأربعاء 9 مايو - 0:21


• حمدين صباحى فى برنامج مصر تنتخب على قناة CBC الان :



- ردا على سؤال ابو الفتوح:الوضع تغير تماما الجيش سيبقى ملك للشعب
المصرى سندعمه ونأيده ونقصر مهمته على صيانة الامن ولايتدخل فى السياسة


- ردا على سؤال ابو الفتوح: الدولة ستكون مدنية ديمقراطية وليست عسكرية

- ردا على العوا:انا أؤمن انه لم يعد فى العالم اقتصاد اشتراكى او رأسمالى كما قالت النظريات والكتب

- ردا على العوا:آلية تجمع بين مزايا الاشتراكية والرأسمالية هى سبب نجاح دى سيلفا فى البرازيل نحن نتبنى اقتصاد سوق اجتماعى مخطط

- ردا على العوا: سنعيد تخطيط اقتصاد السوق المصرى قطاعات 3 :خاص - تعاونى – عام

- ردا على خالد على:كل التيارات الكبرى ليس بضرورة التعبير عنه بأحادية

- ردا على خالد على: اتمنى ان يكون التعدد مش تمزق بين التيارات وان يوجد مساحات داخل كل تيار فى الاربع اتجاهات

- خالد على يعبر عن حلم الشباب المصرى

- انا بحب كل المرشحين مهما كان خلافى معاهم انا مابعرفش اكره حد

- ردا على شفيق: انا مش فى صف اختيار نائب انا فى صف جماعة فى مجلس رئاسة ممكن يكون به نواب ومستشارين

- ردا على شفيق: انانفسى كل اللى خاضوا هذه المعركة اذا شاء الله واصبحت الرئيس سأستفيد بكثير منهم بعطائهم للبلد

• حمدين صباحى فى برنامج مصر تنتخب على قناة CBC :


- كل مشكلة لها عدة حلول ذكائنا فى اختيار حل احرص على المصالح والكرامة

- مستحيل اقبل اى ادارة غير مصرية لقناة السويس

- انا اوجه تحية للمصرين فى الخارج وادعوهم للمشاركة فى الانتخابات الرئاسية واعدهم ان مصر سوف تكون حضنا مفتوحا لهم

- وزارة جديدة للمصرين فى الخارج سوف تشكل وارجو ان يعود كل طير هاجر ان يعود ليبدع فى مصر


- اقسم بالله العظيم ان اخلصص النية بالقول والعمل فى مصلحة الشعب المصرى
وانا اعمل على مايليق بنا كجمهورية والعدالة الاجتماعية والكرامة


- اقسم على احترام الدستور وعلى حماية أرض الوطن

دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 28188
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى