مظاهرات غضب ضد التعنت بقسم الفارماكولوجى صيدلة الأزهر

استعرض الموضوع السابق استعرض الموضوع التالي اذهب الى الأسفل

مظاهرات غضب ضد التعنت بقسم الفارماكولوجى صيدلة الأزهر

مُساهمة من طرف دكتور احمد عبدربه في الجمعة 16 مارس - 8:44



[ندعوك للتسجيل في المنتدى أو التعريف بنفسك لمعاينة هذه الصورة]

مظاهرات غضب ضد التعنت بقسم الفارماكولوجى صيدلة الأزهر
-------------------- اللى كان مستخبى بقالو شهر ----------------
إن ما حدث اليوم من مظاهرات من قبل زملائى وأصدقائى فى الكلية وخصوصا
الفرقة 3 أعتراضا على نتيجة الفارما الفاضحة لقسم الفارما الذى رسب فيها ما
يعادل 180 طالب فهو أقل شىء من المفترض ان يحدث من سنوات عديدة.

فعندما دخلت الكلية وأنا أسمع عن هذا القسم المتغطرس لدرجة أننا جميعا كنا
نشعر بالخوف من بعض المعيدين وكانت البداية لنا فى هذا القسم من الفرقة
الثانية لانهم كانو يشرحون لنا عملى الفيسيولوجى فكان بعض المعيدين
يُرضِعوننا الخوف الذين رَضَعوه من أساتذتهم فى القسم فكان السكشن يبدأ
الساعة 12 ظهرا وينتهى عند اذان العشاء.
فلقد علمت انا ما يحدث لنا
ونحن فى الفرقة الثانية هو على سبيل التربية وأن نضع هذا القسم فى أذهاننا
لانه هو من يدرس لنا أهم العلوم فى الكلية وهو علم الفارماكولوجى فى الفرقة
الثالثة.
أقسم بالله العظيم أننى ظللت شهر فى الكلية لم أفهم شىء عن الفارما سوى اننى أحفظ ما يشرح لى !!! اتعلمون لما ذلك
بسيطة جدااا . لأننا نأخذ المقدمة بعد أن ندرس بقية العلم .... لأن أول
محاضرة فى جزء الأوتونوميك كانت تتحدث عن زيادة cAMP و cGMP وأقسم لكم أننى
لم أعلم ما معنى هذة الأختصارات الا بعد اسابيع وبعد الرجوع لمصادر أخرى
....
فى هذا العام رسب 180 طالب والعام الماضى 40 طالب وقبلة 60 طالب
.... لما لم يسأل أحد نفسة ما المشكلة فى هذا القسم وهذة المادة ..؟؟؟
هو ما أستدعانى الى ان أشرح المادة على اليوتيوب وتطورت الفكرة الى أن
صارت كتابا ...لأبسط الموضوع الذى كان يشغل بال كثير من الطلاب .... ولكن
هل تعتقدون أن ما فعلتة صوابا ؟
أن ما أكتبة اليوم سوف يؤدى الى مشاكل كبيرة ولكنى لن أظل صامتا بعد تعرض زملائى للرسوب ؟
الخطأ الوحيد الذى فعلتة فى الكتاب هو اننى لم أرجع الى أساتذتى .... هل
تعتقدون أنهم سوف يأخذوننى بالأحضان والمساعدة ؟؟؟ لنرى ذلك
وبعد أن نزل الخبر فى الجريدة كنت سعيدا .. وقلت فى نفسى عندما أذهب الى الكلية سوف يقف جنبى أساتذتى ويساعدوننى ..
فوجئت بأتصال من أحد أصدقائى من الأتحاد ... وقال لى أنك محول الى مجلس
تاديب وكان فى يوم نزول الخبر فى الجريدة .... وسألته عن السبب قال أنك
ذكرت أسماء الدكاترة فى الكتاب وأن هذا لم يحدث ....
وبعدها علم والدى
بذلك ومر على الكلية ليفهم الوضع والأسباب ... وأخبروه بأن الكتاب يحتوى
على أخطاء كبيرة وكثيرة وأن الكتاب السبب فى رسوب أكثر من 3/4 الدفعة ....
وعندما بدأ الترم الثانى ذهبت للدكتور سيد رئيس القسم وكان غاضبا وقال أن
الله سيعاقبك على الجريمة التى أرتكبتها أنت السبب فى ضياع جيل بأكمله أنت
السبب فى رسوب أعداد كبيرةجدااا... بالمعلومات الخاطئة الكبيرة .... قلت له
كيف يا دكتور ؟؟ ماهى هذة الأخطاء ؟؟ قال لى بكل صراحة .... أنت مش واثق
فى كلامى ولا أيه !!!
وبعدها جاء الدكتور محمد الشافعى وقرر نفس الكلام ...
يعنى الكتاب نزل قبل الامتحانات ب 10 ايام ورسب 180 يعنى لو نزل اول الترم كانو اللى شالو المادة الدفعه كلها 250
قلت له وكيف تحل المشكلة يا دكتور سيد قال سوف تحل بشرطين
اولا : أن تنزل الى طلاب الفرقة 3 و 4 وتعتزر لهم وتعترف ان كتابك به أخطاء كثيرة وتقول لهم أن لا يشتروه
ثانيا : أن تسحب الكتاب من السوق وتعدنى بعدم صدورة مرة اخرى ..
قلت له أن ماتقوله يا دكتور فهو صعب حدوثة ... وبعدها انتهى الحديث وغادرت
ضغط على أشخاص أعذاء على قلبى ويخافون على ... وكانو لايحبون أن أتعرض لازى ولكنى كنت رافضا ؟؟ لاننى كنت أرى أن المشكلة الحقيقية
أن القسم شعر بالأاهانة أن طالبا أعد كتابا أفضل مما طبعوة من على الأنترنت ...
وأستمرت الضغوط .... وبعد أن نزل الدكتور محمد الشافعى محاضرة وجعل المحاضرة بعنوان دهشان من أستهزاء وسخرية ... فكرت أن
-------------------- أكــــــــــــــــــــــبر دمــــــــــــــــــــاغــــــــــــــــــــى
وذهبت للدكتور سيد وشربت شاى بالياسمين هناك
وقالى لازم تكتبلى ورقة ...قلتله عنيا وكتبت الأتى... وركزو
أقر أنا دهشان حسن دهشان الطالب بالفرقة الرابعة بأن ما كتبتة من كتاب
وبعتة ونشرتة فى مكتبة ( طب الأزهر ) فهو به أخطاء كما ذكر أعضاء هيئة
التدريس بقسم الفارماكولوجى جامعة الأزهر وأننى سوف أقوم بوقف نشر الكتاب
وسحبة من المكتبة ولن أقوم بهذا العمل مرة أخرى ...
-------------------------------
أنا عارف ان الأقرار دا خطأ كبير والدكتور سيد لن يحل المشكلة اللى هو عاملها الا بكدا ...
اولا مفيش مكتبة أسمها طب الأزهر ...
المكتبة المسئوله عن النشر أسمها دار الكتاب الجامعى
الأخطاء اللى فى الكتاب دى اللى قال كدا ..... الدكاترة اللى فى القسم اللى أن مش واثق فى كلامهم
كمان لن أقرر هذا العمل ... هل المقصود بيها الكتاب ولا المقصود بيها عدم تكرار الخطاء ..
يعنى من الأخر ورقة ممكن الواحد يبلها ويشرب ميتها .... بس قبل الأكل عشان ميحصلشى Vomiting
.......
ونزلت لسنة 3 واعتزرتلهم على الأخطاء اللى أنا والله ماأعرفها لغاية اللحظه دى .....
وبكدا القسم أرتاح أخر راحة ونا والله أرتحت من وجع الدماغ اللى كنت فية ......
اللى انتو متعرفهوش بقى أن الكتاب اتراجع من أحد الدكاترة المتخصصين فى
المجال وقال ان الأخطاء عادية جداا واردة فى أى كتاب وبسيطة .... طبيعى
طبعا لانو مش قرآن ....
كمان اللى انتو متعرفهوش ان الكتاب شافو دكاترة كبار فى المجال برضو وشكرو فيه جداااااااااا
كمان برضو انا بيصلنى رسائل يوميا من طلاب فى جامعات عربية ومصرية بيشكرونى على الفيديوات اللى ساعدتهم كثيرا ......
كمان ناس كتير أوى انهاردة كلمونى انهم زاكرو من الكتاب بتاعى اللى نزل
قبل الامتحنات ب 10 ايام وقالو كمان ان الكتاب لو مكنوش زاكرو منه كانو
شالو المادة ...
من الأخر كدا يجماعه انا شربت شاى بالياسمين بس الحمد لله مفعوله راح ....
بعد ما اتكلمت انهاردة مع ناس كتير من سنة 3
ان الأسباب اللى ادت الى حدوث ذلك كالأتى
1 : أنهم أتشرح ليهم جزء الأوتونوميك فى اسبوعين قبل المقدمة عشان دكتور سيد كان ذاهب للحج ...
2: اللى شرحلهلم جزء CNS هو الدكتور محمد الشافعى ؟؟؟ واللى كان بيشرحو
الأعوام الماضية العملاق الذى لن يتكرر فى صيدلة الأزهر الأستاذ العظيم
اللى علمنى وعلم كل اللى قبلى هو الدكتور محمد فهمى .
3: اللى شرحلهم الباقى الدكتور محمد الصادق
4: واللى شرحلهم ال CVS الدكتور الرائع أحمد منصور
5 : اللى وضع الأمتحان بقى الدكتور سيد ..... ؟؟؟ والامتحان دا بسم الله
ماشاء الله من أصعب الأمتحانات اللى نزلت باعترافات ناس كتير
يعنى أساسا هما متأسسوش صح .... وامتحنوها صح ....
ولكن ........... فى ناس كتير محترمة جدااا وبتخاف على الطلبة جداااا
من المعيدين : الدكتور محمد حلمى ....
فى موقف حصل معايا شخصيا ... يوم النتيجة وكنا فى المعمل فى سكشن فارما
والله ان الدكتور محمد حلمى رأيت الحزن فى عينة مما حدث من رسوب 180 طالب
ورأيت الشماته فى بعض المعيدين لاداعى لذكر أسمائهم
وكمان الدكتور احمد منصور اللى ناس كتير فاهماه غلط الراجل دا والله بيخاف على الطلبة جداا وبيتعب جداا فى الشرح ...
ربنا يصبر الناس اللى اتظلمت .... وربنا معاهم .... اللى رفضو ذكر أسمى فى المظاهرات انهاردة لانهم خافو عليا ....
خلاص بقى يا شباب ...
بعد الكلام دا احنا خلاص ضعنا كلنا هههههههههه ....
وان شاء الله انا وكل زملائى معاكم ..
أمضاء
دهشان حسن دهشان
كمان أنا مسئول عن جميع ماكتبتة ومتحمل عواقبة .... ومش ناوى أتظلم تانى .....
13/3/2012
avatar
دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 30028
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى