أنتوا جيل باااااايظ !!!!

استعرض الموضوع السابق استعرض الموضوع التالي اذهب الى الأسفل

أنتوا جيل باااااايظ !!!!

مُساهمة من طرف زائر في الأحد 9 أغسطس - 16:51

السلام عليكم

أزيكم يا شباب وفتيات الجيل, عاملين أيه فى حياتكم

عايزين الصراحة, انتوا جيل باااااايظ مافيش منه فايدة أبدا

ههههههههههههه

الكلمة دى اكيد بنسمعها, سواء من أهلنا أو من الناس اللى حوالينا فى أى مكان

بس الكل مابيهتمش بيها, وبيعتبر اللى بيقولها راجل أو ست متأخرين

بس محدش قعد يفكر شوية, هل هما اللى كلامهم صح ولا أحنا اللى صح

طب تعالوا نشوف الموضوع من أوله ونشوف حال جيلنا

لو بصينا من الناحية دى حنلاقى ان عندهم حق, احنا جيل تامر حسنى زى ما بيقول بعض الناس, وبرضه جيل عمرو خالد, ومايمنعش نكون جيل عمرو دياب وهيفاء وشوية جيل الحزب الوطنى وحنلاقى حبة جيل الأخوان المسلمين

يالهووووووووى, احنا جيل اللا جيل, دى الحقيقة لو عايزينها, أحنا جيل متخبط ما بين ظروف الحياة الصعبة اللى بتضغط علينا وما بين الأغراءات بجميع أنواعها اللى بتأثر فينا بشدة, وفى نفس الوقت محتارين بسبب النواة الطيبة والوازع الدينى اللى موجود فى كل واحد مننا

أكيد كل الظروف دى كفيلة اننا نكون متخبطين, بس فى نفس الوقت مايمنعش الكلام ده من أننا مستسلمين الى حد كبير لكل الظروف اللى حوالينا, متقيدين بقيود كتيييييرة أهمها قيد الكسل والتواكل على الغير

كل ده طبعا مش الشائع واللى بيحصل وبس, لأ طبعا فيه ناس عارفة طريقها ومحددة هدفها وبتسعى له بأصرار, بس بينى وبينكم هما قليلين قوى ومش بيبانوا

طب دلوقتى احنا اتكلمنا عن نفسنا, طب واللى بيقولوا علينا جيل بايظ بقى

تعالالى يا حلو انت وهو تعالالى

قبل ما تقول علينا جيل بايظ, عملت أيه مع أولادك النهاردة, شفت لبس بنتك وهى نازلة عامل ازاى ومسمحتلهاش تلبس حاجة خارجة؟
عنفت ابنك انه بيكلم بنت من ورا أهلها وأنه سايب الصلاة وميعرفش حاجة عن دينه؟
سألت مراتك عن أحوالها واتطمنت على صلة الرحم بتاعتك انت وهى؟
بلااااااااش كل ده, عملت أيه فى شغلك النهاردة؟
سهلت الأمور على الناس ومعقدتهاش على شاب جاى يقضى مصلحة له؟
واجهت واحد زميلك فاسد بفساده ومنعته من التحكم بالناس؟
وانت ماشى فى الشارع منعت الأذى عن واحد أو واحدة غيرك ماشيين؟

على فكرة انا فاضى وممكن أقعد لبكرة اسأل عن حاجات مهمة
الناس اللى بيكلمونا عن الأخلاقيات والمثل, هما برضه اللى فسدوا المجتمع وخرجوا الجيل اللى بيقولوا عليه بايظ ده من تحت أيديهم
الناس دول هما اللى نهبوا البلد وخلوا الشباب فاضى للهيافة
الناس دول هما اللى ماسكين الأعلام الفاسد اللى مخلى الشباب فى غيبوبة

دلوقتى بقى العيب فى مين ومين اللى جيل بايظ

أقولكوا العيب فى مين

العيب فى النظااااااااااااااام

ههههههههه, سلام

زائر
زائر


الرجوع الى أعلى الصفحة اذهب الى الأسفل

رد: أنتوا جيل باااااايظ !!!!

مُساهمة من طرف دكتور احمد عبدربه في الأحد 9 أغسطس - 17:01

شفت لبس بنتك وهى نازلة عامل ازاى ومسمحتلهاش تلبس حاجة خارجة؟
عنفت ابنك انه بيكلم بنت من ورا أهلها وأنه سايب الصلاة وميعرفش حاجة عن دينه؟
سألت مراتك عن أحوالها واتطمنت على صلة الرحم بتاعتك انت وهى؟
بلااااااااش كل ده, عملت أيه فى شغلك النهاردة؟
سهلت الأمور على الناس ومعقدتهاش على شاب جاى يقضى مصلحة له؟
واجهت واحد زميلك فاسد بفساده ومنعته من التحكم بالناس؟
وانت ماشى فى الشارع منعت الأذى عن واحد أو واحدة غيرك ماشيين؟



ههههههههههههههههههههههه
جميل جدا يا سندريلا
ولان الاب والام هم اساس البيت هم اللى يقدروا يشكلوا اطفالهم منذ الصغر العيب مش فينا كشباب العيب بدا منذ زمن منذ الاجداد واجداد الاجداد



شكرا لكِ يا سندريلا وواضح ان اسرة شبابنا شباب اليوم هيعمل شغل جامد على اديكى


دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 28153
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

رد: أنتوا جيل باااااايظ !!!!

مُساهمة من طرف زائر في الأحد 9 أغسطس - 17:12

اكيد مش كل المسئوليه على الجيل السابق فيه كتير اهلهم تعبوا فى تربيتهم

ومتربين صح لكن طلعوا جيل بااااايظ وبتكون من اسباب كتير ومنها صديق السوء

وانعدام الصحبه الصالحه خصوصا فى فترة مراهقه

وزى ماذكرت احنا جيل بلا قدوة

ويمكن كمان عدم الدعم من الجيل السابق وتركيزهم على نظريه السيئه تعم والحسنه تخص

يعنى بيجمعوا بالجيل البايظ ولو فيه حد كويس بجد بتكون الاشاره للفرد

وبكلمه مافيش فايده فيكم اللى بتزيد من الاحباط

مافيش تشجيع يمكن نكون فى طريق افضل

شكرا عابر على مرورك
وان شاء الله يكون فى شغل جامد فى الاسر كلها
هههههههههه

زائر
زائر


الرجوع الى أعلى الصفحة اذهب الى الأسفل

رد: أنتوا جيل باااااايظ !!!!

مُساهمة من طرف دكتور احمد عبدربه في الأحد 9 أغسطس - 17:21

لا بس انا عاوز اقلك على حاجة يا سندريلا بما انى فى اسرتكم هنا

وفى اول موضوع بيتكلم عن جيل عرف كتير واتعلم كتير واحتك كتير

كنت قاعد فى جلسة عيلة

بمعنى اصح الرجالة كانو قاعدين عشان يخطبوا محسن ابنعمى ( مستر محسن ) ومش عارف ايه اللى فتح السيرة

فوجئت انتقاد شديد على جيلنا
وانه جيل بياخد كل حاجة على الجاهز متمرمتوش
ومتبهدلوش
واتعودوا ان كل حاجة يلاقوها قدامهم


كان انتقاد شديد من كافة الاشكال
انا اه اتحرق دمى ودافعت واتكلمت بكل ما يرضينى


لكن ليه دايما بيحاولوا ينسوا المشاكل الصعبة والضخمة اللى فيها جيلنا

ايامهم كانت الاسعار رخيصة والشقق متوفرة والجواز سهل
وفرصة العمل ما اوفرها


بجد حاجة تغيظ
ولا انتى ايه رايك

دكتور احمد عبدربه
Admin

تاريخ التسجيل : 28/08/2008
ذكر
المدينة/المحافظه : مصر
عدد الرسائل : 2738
نقاط : 28153
الاوسمة :

لعب الادوار
لعب الادوار: 2

معاينة صفحة البيانات الشخصي للعضو http://mondylovers.mam9.com

الرجوع الى أعلى الصفحة اذهب الى الأسفل

رد: أنتوا جيل باااااايظ !!!!

مُساهمة من طرف زائر في الأحد 9 أغسطس - 17:53

اكيد طبعا
انا بقول زى ما فى شباب كويس
برده فى الشباب اللى عايش حياته كده مش محدد له هدف فى حياته
وفى كمان الشباب اللى حاطط مستقبله قدامه
وبيقولللصعاب اللى قدامه هكسرك يعنى هكسرك
هههههههه
يعنى انا اعرف زمايل فى الكليه بيشتغلوا وبيوفقوا بين الدراسه وبين الشغل
وببقى فرحانه جدا لما بلاقى النماذج دى فى شبابنا
صح ولا انت ايه رايك

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى