لا للاستغلال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

استعرض الموضوع السابق استعرض الموضوع التالي اذهب الى الأسفل

لا للاستغلال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مُساهمة من طرف زائر في الأربعاء 15 يوليو - 14:18


السلام عليكم ورحمة الله وبركاته

اليوم انا جايب ليكم موضوع من نوع خاص

وعايز اعرف رايكم فيه

وهل بتتعرضوا للحاجات دى ولا لاء

وهو استغلال اشخاص لاشخاص تانيين


تعالوا معايا نشوف التوبيك بيتكلم عن ايه







موضوعنا النهارده عن طغيان بعض
الناس عشان يستغلوا الناس التانيه سواء بحب الناس التانيه دول
ليهم أو عشان يفلتوا من عقاب ويحققوا مصلحه ليهم او يستفادوا
منهم بحاجة او ... او .. او ،،،
يعني هنتكلم عن الاستغلال بكل انواعه ,,,,
الاستــــــــغلال بصفـــــة عـــامــة




قعدت افكر فى الموضوع دا
واللي كذا فيلم ومسلسل يحكوا عن حكايه زي دي تحصل
ولاقيت انواع كتير من الاستغلال





اولا :-

موضوع كتير استفزني و بشوفه تقريبا
يوميا و انا ماشى في الشارع
هو استغلال طيبة الناس و النزعة الطيبة الخدومة فيهم
ازاي؟




تبقي ماشي في الشارع تلاقي واحد
بيقولك يا بيه يا بيه
ممكن جنية اركب بيه اصل انا من بني سويف و نفسي اشوف
ولادي و ارجعلهم
و مش معايا تمن التذكرة
طبعا فرضا انك طيب هتحط ايدك في جيبك و تديلة
زيادة عن الي هو طلبه
و لكن بعد كام يوم تكون ماشي في حتة تانية خالص
تفاجئ بنفس الشخص
بيحكيلك نفس الموضوع بس المره دي علي المنيا
و بعد يومين تشوفه في منطقة تالتة بيحكيلك نفس
القصة انه من اسكندرية
و الله انا نفسيا حصلت معايا مواقف زي دي كتير
و اهو كله استغلال لمشاعر الناس




نوع تاني برده من اساليب استغلال مشاعر الناس
في الشحاتة
واحدة تلاقيها قاعدة تعيط و جنبها لبن واقع علي
الارض و تقولك
كنت رايحة ابيعه و اللبن وقع مني و هصرف
ازاي علي الولاد ده انا 10
تقوم انت بقلبك الطيب تصعب عليك الست دي
و تديها الي يقدرك عليه ربنا
تاني يوم تلاقيها في نفس الحتة او حتة تانية
و اللبن وقع منها برده
هو كل يوم اللبن او البيض يقع؟



طب انا مش هقول حرام و حلال
و نعمة ربنا و افتري علي الناس عشان محدش يقولي انت هتتكلم في الدين
لكن هقول ده استغلال لمشاعر الناس استغلال لطيبيتهم
بالكدب و الغش
ميقلش عن اي نوع من انولع الاستغلال الي هيتكلم عنها
زمايلي في التوبيك
طب انتوا ايه رايكم في المواقف دي؟ و هل حصلت معاك
قبل كده المواقف دي؟ و اتصرفت ازاي؟







ثانيا :-

دى نوعيه من الاستغلال هي
استغلال المشاعر والحب
بنصادف كتير بعلاقاتنا الانسانيه ابشع انواع الاستغلال
وهى الاستغلال العاطفى
يعنى احبك اه بس ده ميمنعش انى استغل النقطه دى انك
تنفذ كل طلباتى واثبت بقا انك بتحبى
ولو منفذتش ده تبقا مش بتحبني وانا عادى بالنسبه ليها




ده نوع من الاستغلال يمكن مش بيتقال
علانيه لكن ممكن يتحس بيه
حتى بادق العلاقات بين المحبين والازواج
حتى يمكن الاخوات كمان بيستغلوا النقطه دى
يعنى لو انا عملت مصيبه ومش قادر اتحمل عواقبها ممكن
احمل اخويا نتيجه اعمالى لانه بيحبنى
استغليت حبه فى شئ انا مش قادر عليه
كده انا طغيت عليه بحبه ليا وخوفه عليا
طغيان من نوع اخر
استغلال عاطفى







ثالثا :-


بنسمع كتير وبنشوف
كتير جدا عن واحد يستغل ظروف حد ويخليه يشهد زور
زي الحكايه ديه مثلا
محمد واحد حاله ع قده وماشي جمب الحيط طول عمره ..........
شاف موقف ادامه شباب بيتنخانقوا ووصلت الخناقه لدرجه
ان واحد منهم يطلع المسدس ويضرب بيه صاحبه بس اللي
طلع المسدس ده ابن شخصيه مهمه اوي في البلد






المهم جت الحكومه بقي وخدت محمد عشان شهادته
بس بقه الرجل المهم مش سكت راح لمحمد اللي شاف الحادثه وقاله :
بص انا هجبلك واحد وكل اللي عليك قدام النيابه تشهد
بان ده هو اللي قتل وهتاخد اللي انت عايزه طبعا ولا من شاف ولا من دري






محمد صاحب اخلاق ومبدا وقال
انا لا يمكن اقول غير الحق طبعا
الرجل المهم قاله فكر كويس ده مستقبلك وهتعيش
مراتك وابنك احمد في احسن حال وتتنقل لبيت تاني غير البيت
اللي هنا ده ووالدك الحاج هنفتحله المشروع اللي كان عايزه
يعني باينله انه عارف كل حاجه عنه عشان يخوفه ومشي سابه






ومحمد نفذ اللي ف دماغه برضو وقال
الحق للنيابه ... تاني يوم لقي الرجل المهم خطف
مراته وسبله رساله وقاله فيها قول اللي انا قلتلك عليه امبارح ومراتك والفلوس اللي انت عايزها هيكونوا في ايدك !!!
ظهر القلق والحيره والخوف ع وش محمد ومش
عارف يعمل ايه يقول الحق ومراته مش ترجع ليه !!!
ولا يقول الزور !! طب لما يقول الزور حسابه عند ربنا يوم القيامه هيكون شديد ...













حاجه محيره وصعبه جدا جدا
كل شويه بيحصل في بلدنا دي موقف زيه او شبهه
واحد يستغل ظروف التاني عشان يقول حاجه مش صح





يا تري انت او انتي لو اتحطيتوا في موقف زي ده
هتعملوا ايه هتقولوا الحق ومراتك او جوزك يروح منك ؟؟!!
ولا هتقول الزور وتعيش في احسن حال .. طب ويوم القيامه حسابك عند ربنا !!؟؟
ها هتعمل / ي ايه ساعتها ؟؟





حابب اسمع ارائكم في الاستغلال و ارائكم في كل موقف
من المواقف
الي حكيتها و يا تري شفتم منها قبل كده
و لا لا و اتصرفتوا ازاي؟

زائر
زائر


الرجوع الى أعلى الصفحة اذهب الى الأسفل

رد: لا للاستغلال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مُساهمة من طرف حلم العمر في الأربعاء 15 يوليو - 14:20

كتير الاستغلال موجود ملك وكتير الظلم عايش

مشكور ملك روحى

حلم العمر
عاشق مجتهد
عاشق مجتهد

تاريخ التسجيل : 04/07/2009
ذكر
المدينة/المحافظه : مدينة الاحلام
عدد الرسائل : 291
نقاط : 14667

لعب الادوار
لعب الادوار: 2

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لا للاستغلال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مُساهمة من طرف قوت القلوب في الأربعاء 15 يوليو - 16:02

موضوع رائع ملك والله انت قولت كل حاجه مسبتليش حاجه
وتعرف كتير اعرف ان في حد بيستغلني بس مبزعلش لاني بعامل الناس باللي انا احبه ناليش دعوه هيردو بايه لاني مبكونش مستنيه حاجه منهم
المهم الاخره مش الدنيا
هوده مبداي
ترسي كتير لالك ملك

قوت القلوب
عاشق مميز
عاشق مميز

تاريخ التسجيل : 27/03/2009
انثى
المدينة/المحافظه : مصر
عدد الرسائل : 675
نقاط : 17234
الاوسمة :

لعب الادوار
لعب الادوار: 2

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لا للاستغلال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مُساهمة من طرف زائر في الأربعاء 15 يوليو - 17:38

ميرسى الك حلم وعلى ردك الكريم
وانا معاكى قوت فى كلامك وهو صح بس برده يعنى
ومش اقدر اقول غير مشكورة على مرورك وردك

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى